BIMM Ta'lim sifati menejmenti faol tinglovchilari

Корпоратив бошқарув илмий-таълим маркази (кейинчалик КорБИТМ) корпоратив бошқарувни халқаро стандартларга мувофиқ, замонавий корпоратив бошқарув амалиётини илмий ва услубий қўллаш, уни амалга тадбиқ этиш соҳасида мутаҳассислар тайёрлаш ва уларнинг малакасини ошириш мақсадида ташкил этилди.

Бугунги кунда КорБИТМ мамлакатимизда хўжалик бошқарув органлари, корпорациялар ва бошқа тадбиркорлик субъектлари учун бошқарув ҳодимларини тайёрлаш, қайта тайёрлаш ва уларнинг малакасини оширишда, ҳамда мамлакатимиздаги МВА курсларини таклиф этадиган ягона давлат таълим муассасаси ҳисобланадиЎзининг таълим соҳасидаги мақсадини амалга оширишда КорБИТМда юқори малакали раҳбарлар учун самарали бошқариш ва муаммоларни юксак даражада ҳал этишга қаратилган инновацион таълим дастурлари ишлаб чиқилган.Ўқув жараёнида алоҳида эътибор тингловчиларда аналитик ва амалий кўникмаларини шакллантириш, уларни реал муаммоларни ҳал этиш учун КорБИТМ ўқитувчилари томонидан ишлаб чиқилган кейс-стади, мастер-класс, шунингдек мамлакатимизнинг етакчи корхоналарининг мутахассислари билан интерактив мухокамалар уюштириш, ҳамда давлат ва хўжалик бошқаруви органларида амалиёт ўташларига алоҳида эътибор қаратилган.

КорБИТМ профессор-ўқитувчилари таркиби етакчи мутахассислар, ўзининг кенг кўламли илмий-тадқиқот тажрибасига эга бўлган ўқитувчилардан иборатдир. Бундан ташқари КорБИТМга таълим бериш учун давлат органлари ва хўжалик бошқаруви, ҳамда юртимиз ва хорижий олий ўқув юртларининг етакчи мутаҳассислари жалб этилади.

КорБИТМдаги талабалар контингенти мамлакатимизнинг корхона ва хўжалик бошқарув органларининг юқори салоҳияти ва ғайратли мутахассислари ва боқарувчиларидан иборат

O‘zbekiston Respublikasi Prezidentining “Oliy ta’lim tizimini yanada rivojlantirish chora-tadbirlari to‘g‘risida”gi PQ-2909 qarorida belgilangan ustuvor vazifalarning ijrosini ta’minlash maqsadida joriy yilning 28 may kuni Oliy va o‘rta maxsus ta’lim vazirligida “Koreya Respublikasi ta’lim tizimi muvaffaqiyati” mavzusida videokonferensiya bo‘lib o‘tdi. Tadbirda Koreya Respublikasi Handong Universiteti prezidenti Soon Heung Chang ishtirok etdi. Tadbirda Koreya fan va texnologiyalar instituti (KAIST) misolida ta’lim tizimi rivojlanish ko‘rsatkichlari taqdim etildi.

Tadbirda Bosh ilmiy-metodik markaz vakillari hamda tinglovchilari, QT va MO mintaqaviy va tarmoq markazlari tinglovchilari ishtirok etdilar. Videokonferensiya davomida ishtirokchilar Koreya ta’lim tizimi haqida batafsil ma’lumotga ega bo‘lishdi va o‘zlarini qiziqtirgan savollarga javob olishdi.

Joriy yilning 26 may kuni Bosh ilmiy-metodik markazda O‘zbekiston xalq artisti Gavxar Zokirova bilan ijodiy uchrashuv bo‘lib o‘tdi. Tadbirda markaz xodimlari va tinlovchilar ishtirok etishdi.

Tashrif buyurgan mehmonlar san’at va madaniyat yo‘nalishida kadrlarni qayta tayyorlash va ularning malakasini oshirish tizimidagi yangiliklar, zamonaviy yondoshuvlar haqida to‘xtalib o‘tishdi.

Shu bilan birga, tinglovchilar qiziqarli suhbat hamda jonli ijodiy namunalardan baxramand bo‘lishdi. Ishtirokchilar tadbirdan yuksak ma’naviy ozuqa olishdi

Oʻzbekiston Respublikasi Prezidenti huzuridagi Davlat boshqaruv akademiyasi — rahbar xodimlarni tayyorlovchi va kayta tayyorlovchi, ular malakasini oshiruvchi oʻquv-usuliy va ilmiy markaz. OʻzR Prezidentining 1995 y. 19 aprel farmoniga muvofiq tashkil qilingan. Asosiy vazifasi — hokimliklar va boshqaruv organlari rahbar xodimlari, jamoat tashkilotlari va birlashmalari, xoʻjalik tuzilmalari rahbarlari, shuningdek, oʻrta boʻgʻin boshqaruv organlari, tadbirkorlik tuzilmalarining oliy toifali zamonaviy mutaxassislari va rahbarlarini oʻqitish, tarbiyalash. Akademiyada 10 va 12,5 oylik tayyorlash, 3 oylik qayta tayyorlash hamda 1 oylik malaka oshirish kurslari tuzilgan, xorijiy mutaxassislar ishtirokida esa 5—10 kunlik seminarlar yoʻlga qoʻyilgan. 3 ta fakultet faoliyat koʻrsatadi: 1) davlat va jamiyat qurilishi; 2) bozor iqtisodiyoti asoslari va tamoyillari; 3) davlatlararo munosabatlar va tashqi iqtisodiy aloqalar. Bu fakultetlar tarkibida 12 ta kafedra ish olib boradi. Oʻquv dasturlari AQSH, Yaponiya, Germaniya, Fransiya va b. mamlakatlarning taʼlim tizimlari andozalariga muvofiq tartibda ishlab chiqilgan. Dasturlar 4 moduldan iborat: asosiy kurslar; mutaxassislik kurslari; informatsion boshqarish tizimi; magistrlik dissertatsiyalari loyihalarini tayyorlash va himoya qilish. Akademiya 10 va 12,5 oylik kurslarini bitiruvchilarga tanlagan mutaxassisliklari boʻyicha magistr diplomi beriladi. Kafedralarda kunduzgi, sirtqi aspirantura va doktoranturalarda ilmiy xodimlar tayyorlanadi. Oʻquv jarayonlarini tashkil qilish ishlariga respublikaning yetuk oʻqituvchi-prof.lari jalb etilgan. Asosiy ilmiy yoʻnalishlar islohotlar jarayoni konsepsiyalarini yaratish, maorif tizimini isloh qilish uchun tavsiyanomalar ishlab chiqish, rahbar kadrlar tizimini tayyorlashda ilmiy tavsiyalar bilan ishtirok etishga qaratilgan. Koʻplab xorijiy tashkilotlar bilan aloqalar oʻrnatilgan. Oʻquv jarayonlarida AKSH, Yaponiya, Germaniya, Italiya, Fransiya, Rossiya, Moldova, Eron, Malayziya, Jan. Koreya, Xitoy va b. davlatlar elchixonalarining rahbarlari maʼruza, suhbat oʻtkazadilar va amaliy mashgʻulotlarda qatnashadilar. Oʻqituvchilar, tinglovchilar, aspirantlar, doktorantlar hamda tadqiqotchilarning malaka oshirishi, tajriba almashishi uchun xorijiy davlatlar oʻquv yurtlariga yuborish yoki u yerlardan malakali mutaxassislarni taklif etish yoʻlga qoʻyilgan. Akademiya hududida joylashgan «Konrad Adenauer», OʻzR «Us toz» jamgʻarmalari, TASIS, Jurnalistlarni qayta tayyorlovchi xalqaro jamoatchilik markazi kabi tashkilotlar bilan mustahkam hamkorlik oʻrnatilgan. Akademiyaga tinglovchilarni qabul komissiyasi qabul qiladi. Mutaxassislar tayyorlash manfaatdor korxonalar, muassasalar, tashkilotlar hamda alohida shaxslar bilan tuziladigan shartnoma asosida amalga oshiriladi. Boshqa davlatlar fuqarolari ham shartnomaga binoan oʻqitiladi.

Akademiya huzurida i.t. va oʻquvusuliy muassasasi — Oʻzbekistonning yangi tarixi markazi tashkil qilingan (1996 y. sent.). Markaz 3 jildli («Turkiston chor mustamlakachiligi davrida», «Oʻzbekiston sovet mustamlakachiligi davrida», «Mustaqil Oʻzbekiston tarixi») Oʻzbekistonning yangi tarixi, «Oʻzbekiston tarixi: davlat va jamiyat taraqqiyoti» kitoblarini tayyorlab, chop ettirdi (2000). Akademiya nashriyoti ilmiy, ilmiy ommabop va b. turdagi nashrlarni, «Jamiyat va boshqaruv» jur.ni chop etadi, har 3 oyda bir marta axborot byulletenini chikaradi. Akademiyaning 25 mingdan ortiq adabiyotlar bilan taʼminlangan zamonaviy kutubxonasi, kompyuter markazi, mehmonxonasi, tibbiyot boʻlimi, restoran, sport, trenajer zallari bor.

Oliy va o‘rta maxsus ta’lim vazirining 2018 yil 7 maydagi “Vazirlik Hay’ati Kengashining 2018 yil 20 aprelda bo‘lib o‘tgan 2-son majlisida qabul qilingan qarorlarining ijrosini ta’minlash to‘g‘risida”gi 402-sonli buyrug‘i ijrosini ta’minlash maqsadida Bosh ilmiy-metodik markazda joriy yilning 25 may kuni Niderlandiyaning Elsevier kompaniyasi Markaziy Osiyo hududiy direktori Aliya Ospanova ishtirokida Scopus va ScienceDirect xalqaro ilmiy-texnik ma’lumotlar bazalaridan foydalanish bo‘yicha seminar-trening bo‘lib o‘tdi. Seminarda qayta tayyorlash va malaka oshirish kursi tinglovchilari, doktorantlar ishtirok etishdi. Seminar-trening davomida ishtirokchilarga xalqaro ilmiy-texnik ma’lumotlar bazasidan foydalanishning ijobiy jihatlari, qulayliklari to‘g‘risida foydali ma’lumotlar berildi

• Олтин тўйга етиш учун одамда олтин характер бўлиши керак.
• Базан йиқилмаслик учун ўз вақтида қоқила билиш керак.
• Инфарктга элтадиган йўл ундан қочадиган йўлга нисбатан мароқлироқдир.
• Ножўя қадам босмаслик учун ҳамиша бир жойда депсиниб туравериш керак.
• Дўстларинг хам душманларинг хам битта, у хам бўлса ўзинг.
• Хақиқат Сиз томонда бўлса-да, бошқа томонга ҳам бир қараб қўйинг.
• Хар бир ёзувчининг ўз қахрамони бўлади.
• Бошлиқ хамма вақт ҳам хақ эмас, аммо ҳамма вақт бошлиқдир.
• Билим тугаган жойдан куч бошланади.
• Инсониятни истаганингча севавер, аммо жавоб севгисини кутма.
• Калласига бир тоза фикр(ғоя) келди, аммо у ерда яхши нарса учратолмай кетиб қолди.
• Агар даволанишга пулингиз бўлмаса, саломат бўлинг!
• Агар ёшликдаги хатолар бўлмаганда, қариганда нималарни эслардик.
• Айрим кишиларга эрк бериб қўйсанг қуёшни хам хусусийлаштириб олади.
• Менга ёрдам беришмаганда, бундан хам кўпроқ нарсани уддалар эдим. Муваффақиятга эришган одамнинг ҳаётий хулосаси.
• Олға! фақат менинг ортимдан! Ўзиб кетганни хуш кўрмайман.
• Олдин сўз бўлди, кейин иши юришиб (юришмай) кетди.
• Чўкаётган одамнинг қўлтиғида Сизга аталган тоши бўлса, уни қутқариш керакми?
• Адашган қўйларни гўшти мазали бўлади. Бепул нарсалар хам худди шундай хусусиятга эга.
• Вақт танглиги (цейтнот)га кўп ўйлаган эмас, керакли нарса хақида ўйламаган одам тушади.
• Олдин нима бўлган – товуқми ёки тухум-буни фақат хўроз билади.
• Кўпинча нуқтаи назар билан таянч нуқтаси бир-бирига тўғри келмайди.
• Ейишга ҳеч вақо бўлмагач, пичоқ билан санчқини қай қўлда ушлашнинг ахамияти йўқ.
• Пешонага ёзилган нарсани ўчириш ҳаммасидан қийин. Чунки, ёзув муаллифи одамнинг ўзи бўлади.
• Рекламадаги энг тўғри нарса – манзили ва телефон рақами.
• Севганингизни қўлини сўраб, розилигини олгач, бир умр бу қўлнинг чўнтагингизда турганини ҳис этасиз.
• Ташқи қиёфа алдамчидир, шу боис ўзига ўхшамайдиганлар кўп.
• Инсон ўз хаётида бош ролни камдан кам ўйнайди.
• Сочлар худди дўстларга ўхшайди, оқаради ва сийраклашади.
• Агар дунёдан ўтганимиздан кейин биз хақимизда нима деб гапиришларини билсак эди, аллақачон яшамаган бўлардик.
• Сизга умрбоқийлик ҳақида гапиришаётганида соатингизга қарайверманг.
• Қарз берувчилардан кўпроқ яшасангина узоқ умр кўришингда мано бўлади.
• Янгича хаётни душанбадан бошлаган мақул ва у албатта амалга ошмайди.
• Ғийбат – мехмондўстлик учун тўлов.
• Охиригача айтилмаган фикргина эслаб қолишга ярайди.
• Биттаси хуррак отганда иккинчиси эшитмайдиган никоҳ бахтли никоҳдир.
• Кўпчилик фойдаланадиган китобга ёзма-чизма, ўзингникига рухсат.
• Ҳар бир инсон алоҳида бир китоб.
• Бўш қорин билан тўлақонли ҳаёт кечириш қийин.
• Хотин иқлимни яратади, эр эса об-ҳавони белгилайди.
• Ўта ақлли бўлиб кўриниш учун узоқ хўмрайиб туриш керак.
• Сигарет чекувчиларни тутунхўрлар дейиш мумкин.
• Ҳозиргача бирорта йўловчи автомашинани босиб кетгани йўқ, аммо шунга қарамай негадир машина эгалари улардан норози.
• Ҳар хил усулда сузадилар, бироқ бир хил усулда димиқиб чўкадилар.
• Уни истеъдотдан маҳрум қилиб бўлмасди: чунки унда истеъдотнинг ўзи йўқ эди.
• Ҳатто ёмон кишилар тўғрисида ҳам яхши китоб ёзиш мумкин.
• Семизлик миллат танламайди у ўй-фикрлар танлайди.
• Қўшнисидан ташқари бутун инсониятни севарди.
• Унутилган фикр ҳамиша аҳамиятли туюлади.
• Тушини яхшироқ кўриш учун кўзойнак тақиб ухларди.
• Юлдузлар кўкларга кўтаришга мухтож эмас.
• Никоҳ икки хил асаб тизимининг тинч-тотув яшашидир.
• Тузланган балиқ сувни соғинмайди.
• Бунақа башарага фақат шапалоқ ярашади.
• Ҳаёт мактаб-аммо уни тугатишга ошиқмаслик керак.
• Ўз хотинига хушомад қилиш унинг учун худди қовурилган қушни овлашдай бемаъни туюларди.
• Тоғларни ундан баланд бўлгани учун ёқтирмасди.
• Хамма уни хўкиз дерди, аммо хўкиз гўштини иштаха билан ейишарди.
• Бир умр миясини ковлаштирди, аммо бу кавлашмалар хеч қандай натижа бермади.
• Агар одамлар айтадиган гаплари бўлгандагина сўзласалар эди, бу дунёни ваҳимали сукунат чулғаган бўлар эди.
• Ер ҳақиқатан ҳам айланади, аммо шахсий ҳаётда буни ҳисобга олмаса ҳам бўлаверади.
• Кўпик ҳамиша пиводан (кир ювиш тоғорасидаги сувдан) юқорида туради.
• Шуҳрат ўлимга ўхшайди: одамни яқинларидан жудо қилади.
• Ҳаётдан ҳамма нарсани олгач, уни қашшоқликда айблама.
• Шоҳ хам гадо хам бирдек меҳрга мухтож.
• Бир умр ўзини шухратнинг синовига тайёрлаб борди, лекин имтихон бўлмади.
• Вақт ажинлардан ташқари ҳамма нарсани силлиқлайди.
• Баҳсларда фақат ҳақиқат эмас, ғурралар ҳам пайдо бўлади.
• Ялқов одам учун илҳом париси ҳам ортиқча юк.
• Қалб бойлигидан солиқ олинмайди. Худди шундай фикр, ғоя, ҳаёл, мақсад, ўй, ният, хис, туйғу каби бойликлардан ҳам солик ёки ўлпон олинмайди.
• Руҳий озуқанинг фақат битта камчилиги бор, газак бўла олмайди.
• Ҳеч нарса рақибнинг ожизлигичалик куч-қудрат ато этмайди.
• Роман қаҳрамони асар муаллифидан кўра ақллироқ бўлолмайди.
• Душманларни қучоғида, бўғиб ўлдирарди.
• Оилавий ҳаёт гоҳо шу қадар тоблайдики, оқибатда у нариги дунёдаги ҳаётдан қўрқмай қўяди.
• Бошқаларнинг юрагини забт этиш босқинчилик ҳиобланмайди.
• Вақт шу қадар қадрсизки, хатто уни ўғирлаш жазоланмайди.
• Сўзбоши шу қадар батафсил эдики, романни чоп этмасликка қарор қилинди.
• Қитиқланмайдиган яхши кулади.
• Ёрдамингни унга мухтож бўлмаганларга таклиф қилиш мароқлироқ.
• Ҳайратланарлиси-яхши одам ҳар бир одамдан яхшилик, ёмон одам эса қабоҳат қидирганида эмас. Ҳайратланарлиси-хар иккиси қидирганини топганида.
• Шунақа орзулар (ниятлар, мақсадлар, фикрлар) ҳам бўладики, уларнинг рўёбга чиқмаганини олқишлаш мумкин.
• Ҳамманинг ички дунёси бор, аммо айримларнинг дунёсида умуман яшаб бўлмайди.
• У ижобий қаҳрамон қидириб таржимаи ҳолини ўқиб чиқди.
• Ўз шажаранг билан фахрланаркансан, авлодингни ҳам шундай имкониятдан маҳрум қилма.
• Ҳаммуаллифлар истеъдодсиз бўлмайди.
• Қўрқоқлар олға кетишдими? Демак, душман орқадан ҳужум қилган.
• Одамни елкасига қоқиш билан ҳам эзиб қўйиш мумкин.
• Кўкрагига муштлаган одам нокаут бўлмайди.
• Агар сени замондошлар қадрлашмаса, кейинги авлоднинг тентакроқ бўлишидан умид қил.
• Шон-шухратда чўмилиш ҳаммомнинг ўрнини босолмайди.
• Ҳаёт шубҳасиз, ажойиб муаллим, аммо унинг сабоқлари жуда қиммат туради.
• У тўнкаликка тўнка, аммо илдизи бақувват эди.
• Олим билан тентак орасидаги фарқ жуда оддий, биринчиси кўп нарсани билмайди, иккинчиси ҳамма нарсани билади.
• Фақат янглишиб яҳшилик қилиб қўядиган одамлар ҳам кўп бўлади.        
• Агар сени қўлда кўтариб кетишаётган бўлса, бундан талтайма, эҳтимол улар қабристонга йўл олишгандир.
• Сенга илтифот қилганнинг қандайдир манфаати бўлади.
• Тақдир ҳукми устидан шикоят қилиб бўлмайди.
• Агар виждон тунда қийналиб чиқса, демак у кундузи уҳлаётган бўлади.
• Агар одамда ҳазил туйғуси бўлмаса, демак бунинг сабаби бор.
• Нафақачи-ўз кийимидан кўра тезроқ қарийдиган одам.
• Агар ғирт тентак бўлсанг, ўзингни тентакликка солиб ўтирма.
• Ҳар бир пивохона (чойхона)нинг ўз дарвеши бўлади.
• Агар эҳтиёжи бўлса-ю имконият бўлмаса, демак қобилият етишмайди.
• Миш-мишлардан қўрқма: ҳақиқат ундан ҳам даҳшатлироқ.
• Замонанинг улуғворлигини қалбларнинг улуғворлиги белгилайди. Қалбларнинг улуғворигини эса уларнинг эгалари белгилайди.
• Овқат ҳазм қилиш органлари ким учундир марра чизиғи.
• Ҳалққа мурожаат қилмоқчи бўлганларни аввало шифокорлар эшитиб кўриши лозим.
• Бўйнидан боғланганлар дадилроқ акиллайдилар.
• Дафн маросимидаги нутқларга қараганда, ҳар бир одам даҳо.
• Ғоялар ҳаётга тадбиқ қилунгинигача ўлмасдир.
• Кампирларнинг ҳам қизлик фамилияси бўлади.
• Дарёга ювиндини тўкворишди, у эса ўзини янги оқим деб ўйлади.
• Агар иситгич (грелка) ҳалақит бераётган бўлса-исиб бўлгансан. Агар хотин (эр)инг халақит бераётган бўлса-совуб бўлгансан.
• Ёмғирда қолмаслик учун булутдан баланд бўлиш лозим.
• У тез-тез ўзини қоралаб туради, аммо бирор марта ҳам ҳукмни ижро этмайди.
• Бахт улкан эди, кўнгил эса кичик қувончларни истарди.
• Ҳар қандай асал ойи ҳам ширин турмушнинг бошланиши эмас.
• Даҳшад фильмлар ҳужжатли бўлса ундан ҳам даҳшатлидир.
• Эски ахмоқлар қолмади. Бор умид янгиларидан.
• Қарилик узоқ яшашнинг ягона йўли.
• Инсоннинг заифлиги-кучини кўрсатиб қўйгиси келади.
• Никоҳ-муттасил кураш: аввал якдиллик, кейин тенгҳуқуқлик, сўнг мустақиллик учун.
• Баҳорда улар турмуш қурдилар ва кеч кузгача тинч-тотув яшадилар.
• Ҳаёт мактабини сиртдан битирди.
• Қарз берганингда хотирингни машқ қиласан.
• Айримлар оч қоринга ўйлай олмайди, қорин тўйгач эса ўйлагиси келмайди.
• Мастона сузилган кўзлардан қўрқинг. Улар эркакни алиментчига айлантириши мумкин.
• Дўстлар сохта бўлиши мумкин, лекин душманлар ҳамиша ҳақиқий бўлади.
• Душман учун чоҳ қазиб ўтирманг, унинг сиз учун қазиган чоҳидан фойдаланинг.
• Бой бўлиш узоқ қариндошларни топишнинг осон йўлидир.
• Йиғилишга (дарсга кеч қолма), йўқса биринчи қаторда ўтиришинга тўғри келади.
• Дўнг пешона ва ажинлар асло даҳолик аломати эмас. Бу белгилар баъзан тентакларда ҳам учрайди.
• Эҳ, қанийди ҳамма душманларинг ўлиб кетгандан кейин туғилсанг эди!

Тўпловчи ва қисман ҳаммуаллиф

 БИММ тингловчиси,

ТИҚХММИ каф.мудири                                     Қ.Р. Рахмонов

“Таълим сифати менежменти” йўналиши бўйича қайта тайёрлаш ва малака ошириш курси ОЎМТВнинг 2017 йил 30 ноябрдаги 877-сонли буйруғи билан тасдиқланган “Олий таълим муассасалари раҳбар кадрларининг қайта тайёрлаш ва малакасини ошириш мазмуни, сифати ва уларнинг тайёргарлигига ҳамда компетентлигига қўйиладиган малака талаблари”, шунингдек,  ўқув режа ва  дастур  асосида ташкил этилади.

Қайта тайёрлаш ва малака ошириш курсининг дастури Ўзбекистондаги Британия Кенгаши ва Лондон Метрополитен университети (Англия) билан ҳамкорликда ишлаб чиқилган бўлиб,  мамлакатни ижтимоий-иқтисодий ривожлантириш истиқболлари, таълим муассасаларининг эҳтиёжлари ҳамда илғор хорижий тажрибалар ва анъаналардан келиб чиққан ҳолда ташкил этилади. Шунингдек, таълим  сифатини таъминлаш борасида раҳбар кадрларнинг касбий компетентлигини ривожлантиришга қаратилган билим, кўникма ва малакалар янгиланади, соҳага оид  билимлар чуқурлаштирилади.

Раҳбар кадрларни қайта тайёрлаш ва малакасини ошириш асосий ишдан ажралган ҳолда 8 ҳафта (288 соат) этиб белгиланган. Ўқув юкламасининг энг юқори ҳажми ҳафтасига 36 соат.

Бош илмий-методик марказда “Таълим сифати менежменти” бўйича қайта тайёрлаш ва малака ошириш 2+2 тизимида  амалга оширилади.

Жами юкламалар тақсимоти: назарий машғулот – 28 соат, амалий машғулот – 104 соат,  кўчма машғулот – 12 соат, мустақил таълим –  102 соат, малакавий амалиёт 28 соат, малакавий аттестация 14 соатни ташкил этади.

Курснинг мақсади ва вазифалари

“Таълим сифати менежменти” қайта тайёрлаш ва малака ошириш курсининг мақсади – ОТМлари раҳбар кадрларининг таълим сифати менежменти борасидаги янги билим, кўникма ва малакаларини такомиллаштириш асосида уларнинг  таълим сифатини таъминлаш ва бошқариш соҳасидаги  инновацион компетентлигини  ривожлантиришдан иборат.

“Таълим сифати менежменти” курсининг асосий вазифалари сифатида  тингловчиларни олий таълим сифатини бошқариш соҳасидаги энг янги ютуқлар, таълим сифатини таъминлашнинг замонавий ёндошувлари, инновацион йўналишлари, соҳадаги халқаро тажрибалар билан таништириш ҳамда   уларда таълим сифатини бошқариш бўйича янги билим, амалий кўникма ва малакаларни ривожлантириш ҳисобланади.

Шунингдек, курс давомида тингловчилар томонидан қуйидагиларни тушуниш ва чуқур ўрганишга алоҳида эътибор қаратилган:

• таълим сифатини ўрганишга бўлган замонавий ёндошувларнинг моҳияти;
• таълим сифатини бошқариш соҳасида олий таълим муассасалари раҳбар ва педагог кадрлари фаолиятини тартибга солувчи меъёрий ҳужжатлар, уларни таълим амалиётида қўллаш сифати ва механизмлари моделлари;
• олий таълим муассасаларида сифатни бошқариш хусусиятлари;
• таълим сифатини таъминлашда ўқув-тарбиявий жараён имкониятлари;
• сифатга эришишни ташҳис қилиш ва баҳолаш методлари: педагогик квалиметрия;
• раҳбар кадрлар томонидан замонавий ахборот-коммуникация технологиялари ва хорижий тилларни самарали ўзлаштирилишини таъминлаш механизмлари.

Тингловчилар контингентини шакллантириш ҳамда  уларни қайта тайёрлаш ва малака ошириш курсига қабул қилиш

Тингловчилар контингенти ОЎМТВ нинг 2017 йил 14 декабрдаги
913-сонли буйруғига асосан шакллантирилади.

Тингловчиларнинг ҳужжатлари машғулотлар бошланишининг 1 кунида қабул қилинади.

Малака ошириш тингловчиси сифатида талабгорлар Бош илмий-методик марказга қуйидаги ҳужжатларни тақдим этадилар:

– малака ошириш курсига юборилганлиги тўғрисидаги олий таълим муассасасининг бўйруғидан кўчирма;

– маълумотнома;

– объективка;

– паспорт нусхаси.

Қайта тайёрлаш ва малака ошириш курсларига тингловчиларни қабул қилиш тўғрисидаги буйруқ курслар бошланиши санасидан 3 кун мобайнида расмийлаштирилади.

Қайта тайёрлаш ва малака ошириш курслари бошланганидан кейин икки кун мобайнида келмаган тингловчилар, келмасликнинг сабабларидан қатьий назар, курсларга қўйилмайди.

Тингловчининг қайта тайёрлаш ва малака ошириш курсларига ўз вақтида келмаганликнинг ҳужжат билан тасдиқланган узрли сабабалари бўлганда уларга ўқишнинг тегишли йўналиши (мутахассислиги) бўйича кейинги курсларда қайта тайёрлаш ва малакасини оширишдан ўтиш ҳуқуқи берилади.

Тингловчиларнинг ўқув жараёнини ташкил этиш ва ўтказиш

Тингловчиларнинг ўқув жараёнини ташкил этиш ва ўтказиш Ўзбекистон Республикаси Вазирлар Маҳкамасининг 2015 йил 20 августдаги  242-сон Қарори 1-иловаси билан тасдиқланган “Олий таълим муассасаларининг раҳбар ва педагог кадрларини қайта тайёрлаш ва уларнинг малакасини ошириш курслари тўғрисидаги  Низом” га мувофиқ амалга оширилади, тартибга солинади.

Ўқув машғулотларининг асосий турлари сифатида қуйидагилар белгиланган: назарий, амалий машғулот, мустақил таълим ва лойиҳа иши.

Аудитория машғулотларининг барча турлари учун 80 дақиқалик танаффуссиз жуфт академик соат белгиланган. Ўқув машғулотлари орасидаги танаффус 10 дақиқа бўлади.

Кириш тести – марказ ходимлари томонидан қайта тайёрлаш ва малака ошириш курсининг 1-3 кунларида on line шаклида ўтказилади. Кириш тест синовларида ҳар бир тингловчига 100 тадан саволлар берилади ҳамда  қайта тайёрлаш ва малака ошириш йўналиши доирасидаги дастлабки билим, кўникма ва малакалари  ташҳис этилади.

Ўқув режадаги модуллар бўйича ассесментлар­­ – тингловчиларнинг бошқарув компетентлиги ҳамда  ўқув модуллари доирасидаги билим, кўникма ва малакалари ҳафта давомида турли шаклларда (тест, суҳбат, савол-жавоб, кроссворд ва бошқ) баҳолаб борилади. Ҳар бир ассесмент топшириғи 2,5 баллик тизимда баҳоланади.

Малакавий амалиёт – Олий ва ўрта махсус таълим вазирлигининг 2017 йил 5 сентябрдаги 13-2017-сонли буйруғи билан тасдиқланган “Олий таълим муассасаларининг раҳбар ва педагог кадрларини қайта тайёрлаш ва уларнинг малакасини ошириш курсларида педагогик (малакавий) амалиётни ташкил этиш ва ўтказиш тартиби тўғрисида”ги Низом талаблари асосида ташкил этилади.

Малакавий амалиёт қайта тайёрлаш ва малака ошириш курсининг
7- ҳафта якуни ва 8- ҳафта бошида (28 соат) ташкил этилиб, тегишли вазирлик ва марказлар, олий таълим муассасалари ҳамда хорижий олий таълим муассасаларининг филиалларида тажриба алмашиш шаклида ўтказилади. Малакавий амалиёт давомида тингловчи тегишли муассасанинг таълим менежменти борасидаги фаолиятини таҳлил этиши ҳамда таълим менежментини такомиллаштириш бўйича тегишли таклифларни ишлаб чиқиши лозим бўлади.

Чиқиш тести – марказ ходимлари томонидан қайта тайёрлаш ва малака ошириш курси иккинчи ойнинг 25- санасидан бошлаб on line шаклида ўтказилади. Чиқиш тест синовларида ҳар бир тингловчига 100 тадан саволлар берилади ва 50 баллик тизимда баҳоланади. Саволлар курс давомида ўтилган модуллар доирасида тўрттадан жавоб вариантида тузилади.

Касбий фаолият, шу жумладан электрон тизим бўйича натижалар – тингловчининг охирги уч йилликдаги эришган илмий-педагогик, касбий фаолият соҳасига оид натижалари бўйича электрон портфолио тизимига киритган маълумотлари асосида шакллантирилади.

Лойиҳа иши ҳимояси – Олий ва ўрта махсус таълим вазирлигининг 2017 йил 5 сентябрдаги 12-2017-сонли буйруғи билан тасдиқланган “Олий таълим муассасаларининг раҳбар ва педагог кадрларини қайта тайёрлаш ва уларнинг малакасини ошириш курслари тингловчиларининг битирув (лойиҳа) ишини тайёрлаш ва ҳимояга тақдим этиш тартиби тўғрисида”ги Низом талаблари асосида ташкил этилади.

Лойиҳа (битирув) иши ҳимояси қайта тайёрлаш ва малака ошириш курсининг якунида аттестация комиссиялари иштирокида ўтказилади. Юқорида келтирилган назорат турларидан тўплаган баллари умумий рейтинг балининг 56% дан кам бўлган тақдирда тингловчи лойиҳа иши ҳимоясига қўйилмайди.

Марказнинг ички тартиб-қоидаларига мувофиқ машғулотларга ўз вақтида келмаган (ҳар бир машғулот учун 3 балл), сабабсиз дарс қолдирган (ҳар бир кун учун 5 балл) тингловчиларга жарима баллари белгиланади.

Курс якунида тингловчиларнинг тўплаган умумий рейтинг балидан жарима баллари айрилиб ташланади.

Узрсиз сабабалар билан 30 соатдан кўп ҳажмда машғулотларга қатнашмаганлик учун курсларнинг тингловчилари қайта тайёрлаш ва малака ошириш таълим муассасаси раҳбарининг буйруғи билан тингловчилар сафидан чиқарилади ва бу ҳақдаги ахборот Ўзбекистон Республикаси Олий ва ўрта махсус таълим вазирлигига, шунингдек, тингловчининг асосий иш жойига юборилади.

Қайта тайёрлаш ва малака ошириш йўналиши бўйича таълим дастурларини тўлиқ ўзлаштирган ва Аттестациядан муваффақиятли ўтган курс тингловчиларига Ўзбекистон Республикаси Президентининг 2015 йил 12 июндаги ПФ-4732-сон Фармони 3-иловаси билан тасдиқланган давлат намунасидаги малака аттестати берилади.

 Назорат турлари бўйича баллар тақсимоти

Тингловчиларнинг ўқув фаолияти рейтинг тизими асосида назорат қилинади ва назорат турлари бўйича баллар тақсимоти Ўзбекистон Республикаси Вазирлар Маҳкамаси ҳузуридаги Идоралараро комиссия мажлисининг 2015 йил 3 ноябрдаги 2-сон Баёни билан тасдиқланган баҳолаш тартибига мувофиқ қуйидагича белгиланади:

Битирув (Лойиҳа) ишни баҳолашда қуйидаги  мезонлар инобатга олинади: